Paulson ​ប្តូរ​យុទ្ធសាស្រ

រដ្ឋមន្ត្រីហិរញ្ញវត្ថុអាមេរិកលោក Henri Paulson បានប្រកាសនៅថ្ងៃនេះថានឹងឈប់ប្រើផែនការ ដែលគ្រោងទិញទ្រព្យសកម្មឥតប្រយោជន៍របស់ធនាគារនោះទៀតហើយ។ លោក Paulson សន្និដ្ឋាន ថានៅចំពោះមុខវិបត្តិដែលកាន់តែធ្ងន់ធ្ងរការជួយស្ថាប័នដែលឲ្យខ្ចី ប្រាក់ផ្សេងពីធនាគារឃើញដូចជាមានប្រសិទ្ធិភាពជាង។
PAULSON នេះក្រសួងហិរញ្ញវត្ថុអាមេរិកធ្លាប់បាន ចំណាយប្រាក់២៩០លានដុល្លាររួចទៅហើយដើម្បីជួយស្រោចស្រង់ធនាគារជាង ៥០ ។ ជាទឹកប្រាក់មួយផ្នែកដកមកពីហិបប្រាក់ជំនួយដែលសភាអាមេរិកបានផ្តល់ ឲ្យផែនការPaulsonដើម្បីជួយស្តារវិបត្តិហិរញ្ញវត្ថុក្នុងចំនួនទាំងអស់៧០ម៉ឺនលានដុល្លារ។ ប៉ុន្តែវិបត្តិនៅអាមេរិកកាន់តែធ្លាក់ចុះពីមួយថ្ងៃទៅមួយថ្ងៃនឹងជំរុញឲ្យរដ្ឋមន្ត្រីហិរញ្ញវត្ថុលោក PAULSON ផ្លាស់ប្តូរយុទ្ធសាស្ត្រផ្អាកផែនការជួយធនាគារនឹងវិលត្រឡប់ទៅជួយស្ថាប័នដែលឲ្យខ្ចីប្រាក់ផ្សេងពីធនាគារវិញ។ លោកHenri Paulson ទាញ ជាឧទាហរណ៍ដោយសន្និដ្ឋានថាបណ្តាជនអាមេរិក័ងជាពិសេសពួកនិស្សិតដែល កាន់តែមានការពិបាករកស្ថាប័នឲ្យខ្ចីប្រាក់ ឈ្មួញលក់រថយន្តដែលគ្មានសមត្ថភាពជួលរថយន្តឲ្យដល់អតិថិជន គឺបណ្តាលមកតែពីផ្សារឥណទេយ្យសំរាប់ឲ្យខ្ចីប្រាក់របៀបនេះបាន ចូលក្ស័យធនអស់ទៅហើយ។រដ្ឋមន្ត្រីហិរញ្ញវត្ថុអាមេរិក បាន កត់សំគាល់ជាបន្ថែមថា ៤០%នៃប្រាក់ខ្ចីសំរាប់ការប្រើប្រាស់ជារៀងរាល់ថ្ងៃសុទ្ធសឹងជា ប្រាក់បានមកពីស្ដាប័នហេរញ្ញវត្ថុផ្សេងៗក្រៅពីធនាគារ។ការឲ្យ អាទិភាពទៅលើស្ថាប័នទាំងនេះជាមធ្យោបាយមួយដ៏មានប្រសិទ្ធិភាព ដើម្បីឲ្យផ្សារទំនិញមានសន្ទុះជាថ្មីនឹងយ៉ាងដូច្នេះឲ្យដំណើរ សេដ្ឋកិច្ចអាមេរិកមានភាពប្រក្រតីដូចដើមវិញនេះបើយោងតាមប្រសាសន៍ លោក Henry PAULSON។
ទោះជាយ៉ាងណាក្តីយុទ្ធសាស្ត្រថ្មីរបស់លោក Henri Pauson បានជះឥទ្ធិពលឲ្យផ្សារភាគហ៊ុន Wall Street អាមេរិកកាន់តែធ្លាក់ចុះនៅថ្ងៃនេះទៀត។