កិច្ចចរចាខ្មែរ-ថៃ​11/11/08

កិច្ច​ប្រជុំ​គណៈ​កម្មការ​ព្រំដែន​ដី​គោក​កម្ពុជា-ថៃ​រយៈពេល​ពីរ​ថ្ងៃ ​បាន​បិទ​បញ្ចប់​ហើយ​នៅ​ល្ងាច​ថ្ងៃ​អង្គារ​នេះ។ ជា​លទ្ធផល​ចម្បង​គឺ​ក្រុម​មន្រ្តី​កម្ពុជា-ថៃ​បាន​ព្រម​ព្រៀង​គ្នា​ដើម្បី​ បោះ​បង្គោល​ព្រំដែន​នៅ​តំបន់​មាន​ជម្លោះ​ប្រាសាទ​ព្រះវិហារ ប៉ុន្តែ​គេ​ពុំ​ទាន់​ដឹង​ថា​ដំណើរ​ការ​បោះ​បង្គោល​ព្រំដែន​នេះ​នឹង​ចាប់​ ផ្តើម​ឡើង​នៅពេល​ពលណា​នោះ​ទេ ។ ដោយ​សារ​កិច្ច​ព្រម​ព្រៀង​គ្នា​នេះ​នឹង​ត្រូវ​ដាក់​ឆ្លង​កិច្ច​ប្រជុំ​ ថ្នាក់​រដ្ឋមន្រ្តី​ការ​បរទេស​នៅ​ថ្ងៃ​ពុធ​ស្អែក​នេះ​។ មន្រ្តី​រដ្ឋាភិបាល​កម្ពុជា​បាន​ថ្លែង​ថា​កិច្ច​ចរចា​នេះ​បាន​បោះ​ជំហាន​ យ៉ាង​ធំ​ក្នុង​ការ​ស្វែង​រក​ដំណោះ​ស្រាយ​ព្រំដែន​រវាង​កម្ពុជា​និង​ថៃ។