តុល្យកា​នៃ​ជំនួប​G២០​នៅសហរដ្ឋ​អាមេរិក​

កាលពីម្សិលមិញនៅទីក្រុងWashingtonប្រមុខដឹកនាំប្រទេសមហាឧស្សហកម្មនិងប្រទេសកំពុងរីកចម្រើនហៅកាត់ថាក្រុម G20 បានសំរេចចុះហត្ថលេខាទៅលើផែនការណ៍សកម្មមួយនិងទៅលើគោលការណ៍មួយចំនួនដើម្បីដោះស្រាយវិបត្តិសេដ្ឋកិច្ចពិភពលោកដែលកំពុងត្រដខ្យល់ ។
ដើម្បីស្រោចស្រង់វិបត្តីសេដ្ឋកិច្ចពិភពលោកក្រុមប្រទេសហៅថា
G20បានព្រមព្រៀងគ្នាថានឹងស្តាសេដ្ឋកិច្ចឡើងវិញនិងធ្វើកំណែទម្រង់ទៅលើប្រព័ន្ធគ្រប់គ្រងសេដ្ឋកិច្ចយោងទៅតាមគោលការណ៍ចំនួន៤។
គោលការណ៍ទី១៖ ផ្តល់សន្ទុះថ្មីឲ្យដល់សេដ្ឋកិច្ចពិភពលោកតាមរយៈការបង្កើនថវិការ ដើម្បីគាំទ្រតម្រូវការរបស់ទីផ្សារជាមួយការបង្កើនជំនួយនៃអង្គការ មូលនិធិរូបិយវត្ថុអន្តរជាតិនិងធនាគារអភិឌ្ឍន៍ឲ្យដល់ប្រទេសកំពុង លូតលាស់។
គោលការណ៍ទី២៖ ផ្តល់របៀបរបបថ្មីមួយឲ្យដល់ផ្សារសេដ្ឋកិច្ចពិភពលោក។ នៅក្នុងចំណុចនេះប្រទេសទាំងអស់តម្រូវរៀបចំសំណើរៀងៗខ្លួនឲ្យបាន ច្បាស់លាស់មុនថ្ងៃ៣១មិនាឆ្នាំ២០០៩។
គោលការណ៍ទី៣៖ ធ្វើកំណែទម្រង់លើប្រព័ន្ធរដ្ឋបាលសេដ្ឋកិច្ចពិភពលោកជាពិសេស ផ្តល់ភ័ព្វសំណាងដល់បណ្តាប្រទេសដែលកំពុងមានឧស្សាហកម្មជឿនលឿន។
គោលការណ៍ទី៤ ជាសេចក្តីប្រកាសចេតនារួមគ្នា។ ប្រទេសជាសមាជិកG20ទាំង អស់សន្យាថា មិនបណ្តោយខ្លួនទៅក្នុងគំនិតការពារនិយមនិងគោរពគោលការណ៍ សេដ្ឋកិច្ចនៃផ្សារទំនិញ។ជាចំណុចមួយដែលធ្លាប់មានការខ្វែងគំនិត គ្នាព្រោះប្រទេសនិមួយៗចង់ការពារផលប្រយោជន៍រៀងខ្លួន។ជាសរុបអង្គ ប្រជុំG20បានតាំងចិត្តថានឹងបង្កើនសហការរវាងគ្នាដើម្បីស្រោចស្រង់សេដ្ឋកិច្ចពិភពលោកដោយគោរពតាមគោលការណ៍ដូចពោលខាងលើ។
មុនបិទអង្គប្រជុំប្រមុខដឹកនាំក្រុមប្រទេសG20 យល់ ព្រមព្រៀងចូលរួមជំនួបកំពូលមួយទៀតដែលគ្រោងប្រព្រឹត្តទៅនៅថ្ងៃ៣០ មេសាឆ្នាំ២០០៩ដើម្បីពិនិត្យការអនុវត្តន៍គោលការណ៍ទាំងនេះជាមួយ ការសំរេចចិត្ត។
វិធានការណ៍មួយទៀតរបស់អង្គប្រជុំG20ដែលគួរឲ្យចាប់អារម្មណ៍ដែរទាក់ទងតួនាទីកាន់តែសំខាន់របស់អង្គការមូលនិធិរូបិយវត្ថុអន្តរជាតិហៅកាត់ថាFMI។ អំណឹះតទៅអង្គការFMIមានសិទ្ធកាន់តែច្រើននៅក្នុងការត្រួតពិនិត្យហិរញ្ញវត្ថុពិភពលោក។ ក្រៅពីនេះអង្គការFMI ត្រូវធ្វើកំណែទម្រង់ដើម្បីឲ្យអាទិភាពដល់ប្រទេសកំពុងមានឧស្សហកម្ម លូតលាស់។ នៅក្នុងចំណុចនេះនាយករដ្ឋមន្ត្រីជប៉ុនសំដែងចេតនាចង់ឲ្យប្រទេសចិនយក តម្រាប់តាមខ្លួនគឺផ្តល់ថវិការជាបន្ថែមឲ្យដល់អង្គការ FMIដើម្បីជួយប្រទេសអាស៊ីណាដែលកំពុងជួបវិបត្តិដូចករណីប្រទេស Indonesie ជាដើម។
នៅថ្ងៃនេះប្រធានាធិបតីបារាំងលោក SARKOZYនិងប្រធានាធិបតីអាមេរិកលោក George BUSHបាន ប្រកាសសរសើរអង្គប្រជុំG20កាលពីម្សិលមិញថាជាជោគជ័យ មួយនៅចំពោះមុខសហការនៃប្រទេសជាសមាជិកទាំងអស់ដែលស្រុះគ្នាសុខចិត្តទទួលយកគោលការណ៍ ប៉ុន្តែ ពិភពអ្នកសេដ្ឋកិច្ចនិងអ្នកកាសែតសំដែងទុទិដ្ឋិនិយមថាវិបត្តិ សេដ្ឋកិច្ចពិភពលោកជាផលវិបាកហូរចេញមកពីប្រព័ន្ធមូលធននិយមដែលហួស សម័យរាប់សិបឆ្នាំមកហើយដូច្នេះមិនអាចដោះស្រាយចេញរួចដោយសារអង្គ ប្រជុំតែប៉ន្មានម៉ោងនោះទេ។ពួកគេសន្និដ្ឋានថាការសន្យានិងការ អនុម័តគោលការណ៍ជារឿងងាយស្រួលមួយប៉ុន្តែនៅពេលអនុវត្តចាត់ទុកជា រឿងពិបាកមួយទៀត។