Pailin City: Barack Obama និងលោក George Bush

ជាប្រពៃណីទៅហើយដែលលោកប្រធានាធិបតីនិងលោកជំទាវទទួលអ្នកត្រូវស្នងមុខ
តំណែងបន្តពីគាត់ ។ ជាទូទៅ ទស្សនកិច្ចប្រព្រឹត្តទៅជាពីរពេលជាបឋមបច្ចុប្បន្នប្រធានាធិបតីនិងប្រធានាធិបតីទើបជាប់ឆ្នោតជួបពិភាក្សាប្ដូរយោបល់គ្នាតែពីរនាក់អំពីសំណុំរឿងដែលនឹងត្រូវផ្ទេរឱយគ្នា បន្ទាប់មកបច្ចុប្បន្នលោកជំទាវទី១ទទួលដោយគួរសមនៅសេតវិមាន អនាគតលោកជំទាវទី១ ។ នៅលើកនេះ លោកស្រីMichelleនិងលោកBarack Obama អញ្ជើញមកកាន់សេតវិមានដោយគ្មានយកកូនមកជាមួយទេ ទោះបីជាកូនក៏ត្រូវបានអញ្ជើញឱយមកដែរក៏ដោយ ។ បន្ទាប់ពីជំនួបដ៏ខ្លីជាពិធីការមក ទស្សនកិច្ចប្រព្រឹត្តទៅដោយបែកខ្ញែកពីគ្នា លោកជំទាវទាំងពីរបែកចេញពីលោកប្រធានាធិបតីទាំងពីររូបដែលជួបសន្ទនាគ្នានៅតុការិយាល័យនៃសេតវិមាន ។ ពិធីនេះកម្រប្រព្រឹត្តទៅពុំដល់មួយសប្តាហ៍ផង បន្ទាប់ពីការបោះឆ្នោតប៉ុន្តែលោក George Bush និងលោក Barack Obama ទំនងជាចង់ធ្វើការផ្ទេរមុខតំណែង ដោយចង្វាក់មិនបន្ធូរដៃ ដោយហេតុប្រទេសជាតិស្ថិតក្នុងស្ថានភាពចម្បាំង និងកំពុងប្រឈមមុខនឹងវិបត្តិសេដ្ឋកិច្ចដ៏ធ្ងន់ធ្ងរ ជម្រុញឱយ រដ្ឋបុរសទាំងពីររូបកុំបណ្ដែតបណ្ដោយឱយមានចំណាប់អារម្មណ៍ថាគ្មានអ្នកកាន់កាប់រដ្ឋអំណាចនោះឡើយ ទោះបីជារដ្ឋបុរសទាំងពីររូបមានការខ្វែងមតិគ្នាខ្លាំងនៅក្នុងសំណុំរឿងជាច្រើនក្ដី ក៏នៅខណៈនេះ រដ្ឋបុរសទាំងពីរខំប្រជែងគ្នាបង្ហាញថាតើអ្នកណាមានសុឆន្ទៈច្រើនជាង ដើម្បីឱយអន្ដរកាលដ៏យូរនេះត្រូវកំដរដោយភាពគួរសមតាមលទ្ធភាពអាចធ្វើទៅបាន ។ លោក George Bush បានអញ្ជើញលោក Barack Obama ឱយមកកាន់សេតវិមាន ចាប់តាំងពីនៅថ្ងៃបន្ទាប់ពីបានជាប់ឆ្នោតម៉្លេះនិងសូមឱយពួកអ្នកនៅជុំវិញគាត់ធ្វើសហការយ៉ាងទូលំទូលាយតាមដែលអាចធ្វើទៅបាន ជាមួយក្រុមថ្មី ។ ចំណែកឯលោកBarack Obama វិញបានសង្កត់ធ្ងន់ជាច្រើនលើកច្រើនដងថារហូតដល់ថ្ងៃ២០មករាឆ្នាំក្រោយ លោក George Bush ស្ថិតនៅជាប្រធានាធិបតីសរអាតែមួយគត់ ៕ ស្របតាមលោកអគ្គលេខាធិការនៃសេតវិមាន Joshua Bolten ទំនាក់ទំនងជាមួយក្រុមរបស់លោក Obama ត្រូវបានធ្វើតាំងពីមុនលទ្ធផលនៃការបោះឆ្នោតជ្រើសរើសប្រធានាធិបតីម៉្លេះ ។ លោក Obama នឹងចូលកាន់មុខតំណែងជាផ្លូវការនៅថ្ងៃ២០មករាឆ្នាំ២០០៩ ប៉ុន្តែក្រុមរបស់គាត់និងរដ្ឋការលោក Bush បានចាប់ធ្វើការជាមួយគ្នារួចស្រេចទៅហើយ ។ ប្រឈមមុខនឹងវិបត្តិហិរញ្ញវត្ថុដ៏ធ្ងន់ធ្ងរបំផុតចាប់ពីឆ្នាំ១៩២៩មកសរអាពុំអាចរស់ឡើងវិញដូចកាលប៉ុន្មានខែដំបូងជំនាន់រដ្ឋការអាណត្តិទី១របស់លោកប្រធានាធិបតី Clinton ពីឆ្នាំ១៩៩៣មក១៩៩៧ដែលមានសភាពច្របូកច្របល់ដោយហេតុខ្វះការរៀបចំខ្លួនជាមុនរបស់ក្រុមអ្នកដឹកនាំថ្មី ។ ឩបមាថាបើសិនជាមានវិបត្តិមួយផ្ទុះឡើងនៅថ្ងៃ២១មករាឆ្នាំ២០០៩ជាថ្ងៃបន្ទាប់ពីលោក Obama ចូលកាន់មុខតំណែងជាប្រធានាធិបតីថ្មីនៃសរអា នោះនឹងមានអ្នកដែលត្រូវឆ្លើយតបចំពោះវិបត្តិនោះៗ ។

Pailin City

Archives

My Blog List

Followers

Barack Obama និងលោក George Bush

0 comments:

Post a Comment

Labels