ឱសថក្លែងក្លាយ២៦មុខ

មនុស្ស
២៧នាក់និងឱសថក្លែងក្លាយចំនួន ១៦លាន គ្រាប់ដែលមានតម្លៃស្មើ ៦.៦លាន ដុល្លារត្រូវបានឃាត់ខ្លួននិងរឹបអូសនៅក្នុងប្រតិបត្តិការជាអន្តរជាតិបង្រ្កាបឱសថក្លែងក្លាយទ្រង់ទ្រាយធំមួយកាលក្នុងចន្លោះថ្ងៃទី១៥មេសាដល់ថ្ងៃទី១៥កញ្ញាឆ្នាំ២០០៨នេះ។ ប្រតិបត្តិការនេះត្រូវបានធ្វើជាបន្តបន្ទាប់ឆ្លងកាត់ប្រទេសកម្ពុជា ចិន ឡាវ ភូមា សឹង្ហបុរី ថៃ និងវៀតណាម។ លទ្ធផលនេះត្រូវបានបញ្ចេញឲ្យដឹងនៅក្នុងសិក្ខាសាលាមួយ កាលពីថ្ងៃច័ន្ទទី១៧វច្ឆិកានេះនៅកម្ពុជាស្តីពីការបណ្តុះបណ្តាលការអនុវត្តិច្បាប់អន្តរជាតិលើការប្រយុទ្ធប្រឆាំងឱសថក្លែងក្លាយ។ នៅកម្ពុជាមានឱសថ២៦មុខត្រូវបានរកឃើញថាមិនមានគុណភាពត្រឹមត្រូវ។